مشكله............ أرجو منكم المساعده.........

بسم الله الرحمن الرحيم

النهرده جايبالكم حكايه وطالبه رأيكم فيها

بس الحكايه دي بتخص واحده صحبتي

وهيا اللي طلبت مني أكتب حاجه خاصه بمشكلتها دي بما انها حكيالي عليها

أنا صحيح ماعرفش الشخص اللي بتحبه شخصيا بس حاولت أكتب اللي هيا وصلتهولي بكلامها

وقبل ما أبدأ القصه من أولها ........... كتبت حاجه بسيطه
يا رب تكون معبره بجد وتوصل الحكايه..........

شوف يا حبيبي خلاص الجرح واخدنا لفين؟...........
لما بلاقي عنيك بتنادي ........بحس بنفسي مابين بحرين
شايفه الشط يا عمري قصادي........... وانت بعيد عن ضي العين

باجري واحاول أمسك ايدك ........... بس الموج حال بنا ياعين

بترفع ظلم الناس حوليا ............ وظلم حبيبك ..... سايبه لمين؟؟

فاكر قلبك يوم ما نداني ........... وقلي معاكي نسيت حرماني
معاكي يا عمري نسيت الوحده .........وباشعر بيها لوغبتي ثواني..........

اوعى تحاول تنكر حبك .......... وسيب الشوق يرجع من تاني...........

والله العمر يا عمري في بعدك.......... غاب .......... وتركني أعيش حرماني
دانت النور لعنيا ......... ونبض القلب ........ وعشق زملني

حاولوا يفرقوا قلبي وقلبك ......... وسابوا النار تاكل أحلامي
حلم في يوم حسيته قريب .......... بس خلاص شكله هينساني

أنسى؟؟؟ .......... هانسى ازاي وانا قلبي سايبني ........وعايش عمره عند جيراني

جمب حبيبي عشان يطمن .......... ان النبض راجع من تاني

والله يا جماعه اللي أنا كتباه دا مش حاجه جمب مشاعرها

لأني مهما حاولت أوصل ليها مش هاقدر ........ الي ايديه في الميه مش زي اللي ايديه في النار زي ما احنا عارفين

بس اللي شجعني على اني أكتب ليها حاجه واحده

هي نظراتها اللي لاحظت فيها جرح كبيييير أوي

وكمان أول مره أسمعها تقول كلمة بحبه........

يومها قلتلها ياااااااه أول مره أسمعها منك

وحسيت انها فعلا تعبانه من اللي حصل

مش هطول عليكم

وااادي الحكايه ..........

الفتاه دي ليها جيران ......... وحبت ابن جيرانها

وهوا كمان حبها جدا

المهم هوا حاول يبعد عنها في الأول بشكل كان غامض بالنسبه ليها وكانت بتحكيلي وتقلي ماعرفش ليه بيبعد عني مع ان كل كلامه معايا بيدل على انه بيحبني

المهم حاول أخينا دا كتييير

بس في الآخر رجعلها

وساب نفسه يحبها وعلقها بيه جدا

لدرجة اني كنت حاسه انها ممكن تناديني بإسمه بدل ما تقللي شروق

وبعد ما اتأكد من مشاعره ومشاعرها

قرر يفاتح ولدته في الموضوع علشان يروح يخطبها

وهما الحمد لله ناس ميسورة الحال

بس المفاجأه كانت من ولدته كبيره أوي على صحبتي

بجد ضيعت ليها أجمل أحلامها

لأأ لأأ لأأ ........... دا تقريبا كان حلمها الوحيد

ولسبب أنا شخصيا مش شيفاه سبب

المهم انها قالت لإبنها أنا اللي هاختارلك عروستك ...... ولو عايز تخرج عن طوعي روح اتجوزها بطولك وملكش دعوه بيا

المهم قرر الشاب دا انه يبعد عنها ......... حتى وهما جيران

عشان ينسى وهيا كمان تنسى

ميعرفش ان كل يوم بيزيد حبها ليه

وكل يوم بتتعب أكتر من اللي قبله

وادي صحبتي دالوقت مبتبطلش سرحان

وكمان ملامحها انطبع علها الحزن..........حتى ولو بتدحك معانا

واهي عايشه على أمل ...........

وادي الحكايه يا جماعه .........

واتمنى منكم رأي يفيدها ......

وكمان نفسي أعرف أنا ممكن أفدها ازاي

بجد والله ماقدرش أشفها كدا وأسكت عليها

ولكم خالص تحياتي

.........................................

ياااااااااه ياشروق
واللهي ماعرف اقولك ايه ولا انصحك ازاي

اقول ايه !!!!!!!! صدقيني مافيش كلام يتقال
احنا ليه بنحب !!! وايه فايدة الحب غير جرح في القلب وحزن !!

ايه فايدة الحب مدام مصرنا مش في ايدينا !!!!!

ارجع واقولك لو كان بيحبها ربع ماهي بتحبه كان حاول يقنع مامته بس ميزعلش اهله منه وهما لو شافوه هيبقى مبسوط كده هيوفقوا

بس هو هرب وسبها ........ مش عارف اقولك تقوليلها ايه !! خليها تنسى وهو ساب علامة في حياتها بحلوها ومرها

عارفة ممكن تكون المشكلة انها اعترفتله بحبها ليه !!!

مش عارف ليه لما نقول لحد بحبك بيخاف مننا ويبعد عننا ويكون اول واحد يجرحنا

انا هفكر في حل للموضوع بتعاها وارد عليكي تاني

بس انا فرحان بموهبتك في كتابة الشعر جدا ....... واللهي كلامك جميل واكيد الكلام مهما طال مش هيقدر يعير عن احساس جوانا

بس ياترى هو كان مستعد للحب ده ....!!!!

وهي كمان مستعده للحب والتضحيات علشان خاطر الانسان اللي حبها
انا رأي يصبروا شوية لو بيحبوا بعض
بس هو سبها وهي ديه المشكلة .!!!!
القصة ديه بتكرر كتير بس كان ياريته قبل مايسبها مره واحده كان قالها حاجة وفهمها ضروفه او قعدوا يفكروا في حل في المشكلة بحيث انه مش يزعل اهله اللي برده ليهم حق عليه

يعني بإختصار اعتقد ان الحل في ايده هو
اما هي بماانها حبت لازم تستحمل كل حاجة سببها الحب

باشكرك يا محمود جدا على اهتمامك

وفعلا والله أنا قلتلها كلام قريب جدا من كلامك
وكان جوابها عليا انها قالت يا شروق هوا قاللي انتي متعرفيش اللي بيحصل جوا البيوت ومتعرفيش أنا باتعزب قد ايه
بس لازم مأعلقكيش بيا
ولازم تتفهمي موقفي وتحاولي تنسيني

..............................

سهل جدا يقلها هتنسيني ......... لأنه لو كان بيحب مكنش قدر ينطقها
والله باشفق عليها ؟؟؟؟؟؟؟؟

وعليه لأنه خسر شخص بيحبه بجد...........

ومن هنا والله يا جماعه اللي يلاقي شخص بيحبه وميتمسكش بيه يكون غلطان
دنيتنا بقت قاسيه جدا علينا .......... وبجد محتاجين يكون فيها حد بيحبنا ماسك ادينا وبيشجعنا
وبيدينا الأمل عشان نعيش........... نعيش عشان اللي بيحبونا واللي مستنينا

وباشكرك جدا مره تانيه
وربنا يوفقك وتقضي عمرك مع الانسانه اللي تحبك وتعرف كويس ازاي تقدرك

وتحيااااااااااااااااااااااااااااااتي ليك

البسش

اقتباس :

ومن هنا والله يا جماعه اللي يلاقي شخص بيحبه وميتمسكش بيه يكون غلطان
دنيتنا بقت قاسيه جدا علينا .......... وبجد محتاجين يكون فيها حد بيحبنا ماسك ادينا وبيشجعنا
وبيدينا الأمل عشان نعيش........... نعيش عشان اللي بيحبونا واللي مستنينا

معاكي في كل كلمة !!! هو احنا مش عايزين نحب ولا ايه ؟؟؟ هو الحب خلاص مكانه بقى في الافلام والقصص
واللهي فعلا هو خسر كتير

اقتباس :

وربنا يوفقك وتقضي عمرك مع الانسانه اللي تحبك وتعرف كويس ازاي تقدرك

ربنا يخليكي امين يارب ..... وانتي كمان تلاقي النسان اللي يحبك ويقدرك

وتحياتي ليكي ويارب يهون على صحبتك

ربنا يوفقك يا مودي

وباشكرك على اهتمامك

ولك خالص تحياتي وتقديري

مش عارفة اقولك ايه
بس انا الوحيدة في المنتدي
الي مش ممكن اقولك راي
لاني بخاف من اني اقع في هذا الموقف

بس يارب ترتاح صحبتك
وتكون سعيدة

كانت تجربه وعدت
صدقيني يا شروق مش بيحبها
ده كمان ايه
والدته مش والده
الام بطبعها بتغير رايها بسرعه مثلا لو الواحد ساب الاكل ساعتين على بعض
سبب بجد تافه مجرد قناع قدمها بس
لكن هو اكيد قيم العلاقه ولقاها مش هي اللي في خياله فخاف يقولها كده جابها في الحاجه ربنا يخليهاله ياااارب

اما صحبتك ربنا يوفقها واكيد هتلاقي اللي ينسيها
حاكم البنات بتنسى بسرعه الايام دي

poiu

شكرا يا آيه على اهتمامك
وربنا يبعد عنك الهم والتعب

وانت يا أحمد ......
حمدا لله على السلامه في الاول
وباشكرك على مداخلتك
وهو انت فعلا قلت حاجه مكانتش على البال وهو ان الأمهات بيغيروا رأيهم بسرعه
ودي حقيقه لأن قلبهم بيرق بسرعه لما يلاقوا ولادهم تعبانين

وجهة نظرك سليمه والله
وهبلغهلها أكيد
البسش

جميل منك يا شروق انك تسمعي لصاحبتك
والاجمل بقى انك تساعديها انها تتخطى الازمه دي
كان الله في عون العبد ما دام العبد في عون اخيه
ربنا معاكي

معاك حق يا أحمد

وياريت ياشروق تتابعينا باللي حصل

كلنا نفسنا تنتهي الحكايه ديه من غير ماقلب صحبتك ينجرح

اوووووكي

واخر حاجه حصلت هو انه كل شويه يتصل قال بيطمن عليها
وبعدين لما فاض بيها
كلمته وقالتله انت بتكلنمي عادي كدا ولا كأنك نهيت حياتي وبتقلي عامله ايه؟ وانت عارف اني زي الزفت

لو سمحت بلاش تتصل بيا تاني

خليني انساك

والله أنا فعلا انبسط منها لما قالت ليه كدا

هوا كدا بيزود عذابها
كل شويه يتصل يقلها أنا أهه ويقفل السكه وربنا وحده اللي بيبقى عالم بحالها

وربنا يعينها يا رب
ويبعدكم عن اللي هيا فيه

اختى الغاليه

تاكدى انو مكنش بيحبها

ده كان بس بيعيش اللحظه مع انسانه فتحتلو قلبها

وعلشان ميورطش نفسو

فى علاقه وتكمل بالجواز قلها كده

انا بعرف صديق عزيز

ابوه وامه واخوه رافضين البنت اللى بيحبها تماما

لدرجه ان اخوه بيقولو لو فضل بيكلمها واتجوزها مش هيخشلو بيت

وابوه قالو دى لا وانا مش هسمحلك ترتبط بيها

وامو كل ماتشوف امها تقولها ابعدى بنتك عن ابنى

وبعد كل ده

لسه بيموت فيها وعندو امل

بالاضافه انو حالتو الصحيه بقه زفت ولسه فى الفرقه التانيه مع انها خلصت الجامعه من سنتين

ولسه فى امل

من هنا نتاكد انا صحبتك لازم تعرف انو كان بيتسلا

وربنا معاها

تقبلى مرورى

الزعيم